兩岸三地保釣人士硬闖釣魚台，呢次行動最矚目嘅人物，非朱幼麟莫屬。事實上，此行佢可以話係由頭帶到尾，先係有傳佢可能以奇招潛水，甚至空降釣魚台，雖然登陸不成，但佢喺船上扭親條腰，又成為傳媒焦點，搶盡鏡頭。
有保釣人士同八方戲言，如果早知飛天朱落船，就大力啲揼佢心口，事關佢身家豐厚，如果肯資助，保釣團隨時變豪華團。據聞，由台灣出發嘅一艘保釣船，就係因為只夠錢租一日，唔能夠去到釣魚台咁遠而折返。
據講今次行動大部份成員都要自費出征，保釣行動委員會主要係資助租船費用，由於大家「水緊」，相信短期內都唔係幾方便捲土重來。
傳真︰2623-9278
電郵︰