《PRINCEOFPERSIATHESANDSOFTIME》
遊戲畫面　正到似睇戲

唔講唔覺，波斯王子原來已經係90年代嘅老牌Game，雖然PC版喺1999年出過隻全立體嘅《PrinceofPersia：3D》，不過今次XBOX以新遊戲平台加新開發引擎，畫面完美度，當然不過同日而語啦！

價錢：$299
發售日期：11月4日
發行商：智高遊戲
開發商：UbiSoft
遊戲平台：XBOX
遊戲種類：冒險動作

波斯王子功夫大躍進

今次家用機XBOX版《PrinceofPersia:TheSandsofTime》，第一吓玩最震懾人心處，係超靚場景、動作順暢嘅人物設定，同扣人心弦嘅中東風味配樂，一開Game已經叫人好投入佢嘅夢幻國度。
試玩時亦發覺新版波斯王子功夫長進了好多；舊時王子只識跳吓爬吓，今集又識游繩，又可以好似Martix一樣飛簷走壁，再加埋每集必有嘅解謎成份，點樣用盡王子身手絕活破難關，將係今集重點所在！

攻擊畫面極華麗
同過往各集一樣，王子嘅敵人都係一大班妖兵怪獸，遊戲引擎Upgrade咗，一次俾3、4隻怪圍攻，已經變成玩家宿命，好在攻擊武器超強橫，雙手刀一斬中敵人，就會發出華麗閃光，兼怪物變成細沙，令人好易聯相到MichaelJackson《RememberTheTime》首MV，勁有睇頭；如果攻擊動作夠靚，重會好似Martix咁用多角度播放，好有電影感！另外遊戲系統追加了「時間之沙」，當波斯王子一刀插人敵人身體時，就會抽取時間之沙，用法有如時間倒流一樣，一遇危險就馬上「回帶」，你都咪話唔茅！除XBOX之外，今集波斯王子重會在GameCube、PS2及PC等多個平台，陸續推出。