「日日運動身體好，男女老幼做得到。」各位小蘋果鍾唔鍾意做運動呢？跑步、跳繩太單調了，今次帶大家去打網球，唉呀！唔夠力拎球拍、唔夠氣走位打波，唔緊要，一於從小型網球開始，碰巧早前有小型網球周年錦標賽，一於睇睇未來的阿加斯、張德培、威廉絲打成點！各位準備好未？開波！
記者：妹頭 攝影：文尼哥哥
大網球有威廉絲姊妹揚威國際，小網球亦有兄弟班。這對陳氏兄弟便在校際比賽中囊括多個個人獎項而成為場內焦點，9歲的哥哥樂賢同7歲的細佬樂銘，一齊參加小型網球周年錦標賽，分別在9歲及7歲的組別獲得冠軍和季軍，的確厲害。
身為哥哥的樂賢由32強至4強，多以大比數勝出，還被場內的評判公認最懂得運用戰術，甚麼底線抽擊、上網、笠人統統用齊。「我學咗小網2年，我最鍾意阿加斯。」
原來細佬學小網都係受哥哥影響，未入小學已拿着哥哥的球拍，嚷着叫哥哥教他玩番幾招。兩兄弟還經常在家互相練習，他們更以偶像阿加斯為目標，希望將來會在國際場上聽到他倆的名字。
小型網球簡稱小網，聽網球總會的姐姐講，小網專為小學生而設，每年還有校際比賽，各小球手可以互相切磋一番，大網同小網有以下三樣分別。
（一）球拍網球輕得多
小型網球的網球拍較一般球拍的拍柄位短，所用的波是海綿波，較一般網球輕。單睇外形相差不大，但拎上手就知小網拍比大網拍輕好多。
（二）羽毛球場開波
打大網往往要日曬雨淋，打小網多用羽毛球場，若是室內羽毛球場，還可邊歎冷氣邊打波！
（三）技巧易掌握
由於球拍、球及場地的分別，令小網較大網易掌握，擊中球的機會大大提高，學習時自然更感興趣。
呢位小朋友輸咗波即刻無晒心機伏係球場喊起上嚟，其實比賽有輸有贏，下次繼續努力！
論全場最受小朋友歡迎的，必定是吉祥物Mimi，當比賽完畢後，個個興高采烈爭住同佢嚟張大合照！
香港網球總會一直有提供小型網球訓練班以及小小網球親子班。小型網球班適合5至9歲的小朋友參加，親子班則適合家長及3至5歲的小朋友一同參與，想知詳情，可致電香港網球總會25048266或瀏覽網址