譚詠麟（阿倫）、洪天明、許志安、方中信及一班明星足球隊成員，今日將組成娛樂紅星隊，與香港足球總會邀請隊作慈善籌款賽，為早前車禍去世的澎馬流浪隊員張耀麟遺屬籌款。
屆時譚詠麟將擔任領隊，劉德華任副隊長，曾志偉及陳小春等也會出席。
昨日阿倫、洪天明及范志毅等到尖沙嘴出席記者會，提到滾石樂隊（TheRollingStones）不來港演出，阿倫說：「唔緊要，我哋有隊RollingBones，健仔（彭健新）組成嘅，佢成日放咒，𠵱家佢哋終於有機會啦，叫『膽石樂隊』，或者『腎石樂隊』都得，都係唱嗰啲歌啫！」
阿倫謂若現時再找人頂替滾石樂隊的演出時段十分急，提到為何不讓溫拿頂上？阿倫說：「如果我講得就梗係得，溫拿重唔使綵排㖭，都熟晒。」
另外，問洪天明有傳其父洪金寶遭周星馳拖欠四百萬一事，他說：「我冇問佢，佢收到又唔會畀我嘅，除非佢叫我幫佢收數啦，佢亦冇叫我唔好同周星馳合作。」