五十二歲的曾女士與一對子女，年來一直租住租金便宜但環境欠佳的私人樓宇，兩個月前，單親三母子在蘋果日報慈善基金的援助下，得以順利搬進一座新建的公屋單位，實現安居樂業的夢想。
「兩個仔不知住得幾開心，呢度環境同空氣都好好，地方又大啲，有兩間梗房，我同大仔一間，細仔就自己一間。」曾女士喜孜孜地說。
曾女士的丈夫於九五年因患肺癌去世，遺下一對現年十一歲及二十二歲兒子，由她獨力撫養，不幸的是，長子患有嚴重智障，智商相等於一個五歲幼童，日常生活都要曾女士加倍照顧，令她無法外出工作，孤寡三口靠領取綜援金過活。
蘋果日報慈善基金早前撥款八千元予曾女士助其搬遷，其個案經報道後，獲善長捐款七千六百五十元，曾女士語帶感激地說：「真係好多謝讀者呢筆捐款同埋蘋果基金之前嘅撥款，今次搬屋使咗好多錢，搞到呢兩個月生活都好緊張，我每朝都要執啲紙皮去賣，每日賺番十幾蚊。呢筆善款可以幫補我三仔乸嘅生活。」曾女士說。
捐款編號：C1003
暖流熱線
電話:29908688
傳真:23702192
電郵:
網址：