陳錦鴻在踏入猴年前將三喜臨門，下月重返無綫是第一步，其次是他投資六位數字的酒樓預計於年尾開張，最後則是他在明年一月，與拍拖五年的女友杜雯惠結婚。陳錦鴻說最欣賞女友對任何事都沒反應，當他這個愛回憶的男人碰上慢半拍的女人時，壓根兒就是天作之合，非娶不可。
陳錦鴻與港台前DJ女友杜雯惠拍拖五年，其間過了三年的同居生活。在明年一月一日便踏入三十七歲的陳錦鴻，決定在一月與女友拉埋天窗，註冊地點會是泰國或馬來西亞。這個婚禮一切從簡，不請親友觀禮，不拍婚紗照，只會在陳錦鴻於今年底在尖沙嘴港晶中心內所開酒樓內，分日設宴邀親友吃飯。
問陳錦鴻愛杜雯惠甚麼？他想也不想便說：「佢最大嘅好處係冇乜反應，佢嘅生活同對好多事都會慢半拍。我又鍾意回憶，我唔郁佢又慢半拍，咁咪啱囉。」
陳錦鴻揚言沒有向女友求婚，選擇羊年結束前迎娶對方，只是因為覺得是時候生小孩，但一生人一次的喜事，經他描述後竟變得淡如水。陳錦鴻不諱言，他並不是一個浪漫的男人，他這樣說：「我唔想有fantasy（幻想），唔想生活上有咁多驚喜，希望平淡，總之慢半拍就啱啦。」與女友多年來的愛情生活，不出所料，他真的形容感覺有如一杯暖水，他說：「飲落去好舒服，有人覺得飲水淡，有人覺得好味啫。」
陳錦鴻續說：「結婚係人生階段中一定要行嘅路，結婚係兩個人嘅私事，對我嚟講，喺邊度結婚都一樣。但我應承咗好多親朋戚友喺羊年結婚，我會守承諾，立春前結婚嘅，我哋會喺外地註冊，泰國、馬來西亞都得，擺酒就唔會，喺我間酒樓食吓飯，我會分幾個禮拜搞，分開同啲演藝學院、中學同學、大家啲長輩食飯。」
陳錦鴻近年雖與緋聞絕緣，但過往他曾被傳媒拍下出入夜總會的照片，其後他解釋因拍電影所需而實地觀察，故女友對他相當信任。對於吳啟華近日涉在北京召妓一事，陳錦鴻只贈他一句：「遇到乜嘢事都要面對，我唔知情況，當事人又冇承認，唔想討論啦。嗰時我畀人影去夜總會，我係做資料搜集喎，我咪去面對囉。」
訪問時，陳錦鴻一直表現得很開心，說話有紋有路。對於早前被人拍下他赤腳走路，形容他有異行一事時，陳錦鴻就一臉不在乎，他揚言自己會繼續赤腳行街，亦會繼續由何文田山行去尖沙嘴的酒店做運動。
陳錦鴻說：「話我赤腳一啲都唔困擾，冇乜好講，根本唔值得澄清。呢件事之後，啲人重請我去台灣拍劇，件事嘅問題就係冇問題吖嘛。好多人會走去畀人做腳底按摩，有啲地方唔應該大力嘅，佢就用力錐落去，會整傷㗎，我咁行就會增進血液循環。」
