噚日係沙田馬場啟用二十五年周年紀念，馬會特別安排一場「沙田馬場銀禧紀念盃」，結果由田北俊嘅「自由武士」爆出十七倍冷門捧盃，田少話自由武士喺外地跑開長途，今次跑千六米路程略嫌短，所以信心唔大，只係買咗些少例飛捧場，今次雖然唔係贏大錢，但依然好開心，皆因沙田馬場銀禧紀念盃好有紀念價值喎。
八方見田少噚日個樣十分風騷，重有唔少馬迷爭住同佢握手，人行起運上嚟唔通真係有樣睇？
田少重透露，自由武士嘅練馬師蔡約翰同佢講隻馬今季重有得贏，睇嚟今季田少拉頭馬都會拉到手軟。
田少捧盃固然威水，而俞宗怡有份養嘅「勝任愉快」喺第八場亦爆冷勝出，但俞宗怡有公事在身冇入場。
（圖）田少隻「自由武士」win咗，賽後佢由鍾逸傑爵士手上攞走沙田馬場銀禧紀念盃。
傳真︰2623-9278
電郵︰