楊紫瓊找清數財政冇問題

楊紫瓊和賭王千金何超瓊前晚身穿Blumarine的最新秋冬裝，出席該品牌在中環CafeLandmark舉行的秋冬時裝展。問楊紫瓊有報道指其電影《飛鷹女俠》欠薪及辦公室欠租一事，她大方地說：「因為之前SARS，有啲糧未出，啲工作人員好支持，遲咗兩個月，不過𠵱家出番晒。至於欠租件事，唔知點解寫埋啲咁嘅嘢，覺得好儍，之前冇話冇呢件事，我會做番要做嘅嘢，自己財政完全冇問題，之前欠落嘅數已經清晒，不過啲人報喜不報憂。」

「好似想我死咁」
再問負面新聞會否影響投資者信心，楊紫瓊說：「啲新聞淨係香港有，歐洲、美國冇聽過呢啲新聞，時間可以畀人睇到。啲報道好似好唔支持我，好似想我死咁。」
採訪：RitaLeung　攝影：JerryYan

白雪仙（右二）剛巧在中環shopping，對於好友林家聲的兒子逝世、好友劉玉權逝世一事，她全部充耳不聞，不作回應。

眾女模穿上Blumarine秋冬新裝謝幕，炮製出一幅女人香的美麗構圖。