腹大便便的童愛玲，下周便到預產期，她早前已返回台灣待產。童愛玲表示四月時到過台灣探望朋友，知道在當地產後可以留在醫院坐月，方便照顧初生嬰兒。
童愛玲昨日接受長途電話訪問時說：「我陀BB重咗成七十磅，𠵱家體重有一百九十磅，我都好驚生完BB瘦唔番，好彩卓悅纖體應承贊助我減肥。」
童愛玲的丈夫經常要到上海工作，不過他前晚已飛返台灣陪伴妻子分娩，她說：「我呢排心情都好緊張，不停問個醫生BB幾時會出世，佢講笑叫我唔好問佢，佢叫我去廟問喎。」
此外，童愛玲表示暫時決定一個「夠晒數」，她說：「我希望將最好嘅都畀BB，我專登喺美國訂咗好多嬰兒用品寄返嚟，原來BB用品好貴㗎！」
採訪：比華利