剛推出第四張唱碟的陳文媛（BoBo），近期換上有型有格的「男仔頭」形象，刻意營造一份男子氣概，BoBo日前接受訪問時說：「之前試過駁長髮，刻意去做一個好女仔嘅外形，結果效果唔理想，有人認為短髮襯啲，其實我本身性格都較為剛烈，唔適合好女仔嘅外形。」
BoBo比一般女孩子較「男仔頭」，家中甚少擺放八卦雜誌，反而是電腦科技雜誌居多，BoBo說：「我對電腦科技好有興趣，每有新產品消息都會留意一吓，我亦都鍾意打機，喺屋企會打PS2，出街亦有部Gameboy。」
遇到不愉快的情況，BoBo會顯示最火爆一面，她說：「唔開心我一定要搵地方發洩，好直接我會鬧出口，第一個反應完全唔會理自己係唔係有錯在先，總之先用把口發洩出嚟。」