曾與日本國寶中田英壽傳緋聞的混血女模MaggieQ的確魅力不凡，前晚（法國時間前日下午）她以貴賓身份，在巴黎出席Celine的時裝展及派對時，熱情如火地攬盡Celine各高層，大跳狂野舞步，難怪她獲Celine贊助今年秋冬裝後，更直言有信心冧莊再獲贊助○四年春夏時裝。
本報記者梁錦貞、陳志嵐巴黎直擊
混血名模MaggieQ向來電力強勁，除舊愛吳彥祖外，曾先後與謝霆鋒、陳冠希、孫國豪、楊其龍和日本國寶級足球明星中田英壽傳出緋聞。獲法國時裝名牌Celine贊助今年秋冬服飾的MaggieQ，在香港時間前晚凌晨（法國時間十月九日下午），以Celine貴賓的身份在巴黎欣賞該品牌○四年春夏時裝展，並出席晚上的私人慶祝派對。
狂野奔放老闆忘形
MaggieQ前晚穿上一件釘珠小背心配緊身皮褲，新裝總值超過三萬元，在場內狂歡熱舞，熱情如火的她大受場內男士歡迎。而MaggieQ亦非常識做，與各高層大跳熱舞，包括CelineGroup總裁Jean-MarcLoubier、亞太區總經理JeanLahirle及國際傳訊總監歐宏基都逐一擁抱。其中MaggieQ與大老闆Jean-MarcLoubier跳舞時，顯得最為狂野奔放，更開心得大聲歡呼，令Jean-MarcLoubier亦情緒高漲，忘形起舞。
事後MaggieQ興奮地以英語接受訪問，意譯如下：「我同Celine合作好開心，佢哋唔係hardsell我，而係當我係朋友咁支持，我好有信心會繼續成為佢哋○四年春夏代言人。」
趕返港拍賀歲電影
MaggieQ又表示今次只能匆匆在法國停留四天，便要趕返香港拍攝賀歲電影《魔幻廚房》，她說：「我早排喺日本拍完，跟住就返香港拍，上次拍成龍動作片，打完返到屋企好似死咗咁，𠵱家拍喜劇就輕輕鬆鬆，有人叫我全力拍戲，不過香港巿場好奇怪，一定要雙線發展，所以我都唔會放棄做model同廣告代言人嘅工作。」
問MaggieQ可想拍攝藝術電影爭取電影獎項？她說：「我當然希望啦，不過唔會刻意，之前喺成龍嗰套戲度做打女都幫我打開外地巿場，好似早排喺倫敦先上咗首映。」
坐第一行睇時裝騷
此外，MaggieQ前晚在時裝展上，與應屆日本小姐宮崎京成為亞太區獲邀到場的兩位貴賓。其中MaggieQ以Celine廣告女郎造型到場，一身黑白斑馬紋tubedress配銀色高跟鞋，獲貴賓式招待坐在第一行欣賞時裝騷，完騷後更與設計師MichaelKors在後台見面傾談。
MaggieQ大讚新裝型格美麗，她說：「我非常鍾意，特別是晚裝部份，漂亮得不得了，可惜今次係設計師MichaelKors最後兩季替Celine設計服裝，我都好sad，因為他為Celine改變形象，變成摩登美麗，非常成功。」
