《人民日報》旗下嘅人民網及《國際金融報》搞咗個「二零零二年度中國、國際十大金融風雲人物評選」，噚日公布結果，香港有人上榜，就係八方經常提及嘅任總、金融管理局總裁任志剛。
呢個評選，由中國經濟專家、學者及資深新聞界人士組成推選委員會，再由讀者及網民選出當選人，有一定公信力。
除咗任總，其他得獎人物都係內地名人，包括中信集團董事長王軍、一度係中國首富嘅劉永好、聯通董事長楊賢足、工商銀行行長姜建清等。據悉頒獎活動周日喺北京舉行，但據知任總唔會出席，睇嚟佢對呢類民間獎項嘅興趣不大。
傳真︰2623-9278
電郵︰