八方平日最鍾意講嘢，講少句都周身唔舒服，所以噚日喺平等機會委員會嘅周年酒會見到新任主席王見秋，即刻捉住佢問，𠵱家冇做法官一身輕，係咪可以暢所欲言？點知佢話，無錯以前真係唔可以亂咁講嘢，但可以鬧人，啲人重冇仇報㖭，𠵱家就唔得喇。
上任主席胡紅玉做得咁出色，問王主席怕唔怕人比人，比死人？佢好有信心咁話，一啲壓力都冇，大家各有做法啫。
八方重喺酒會度撞到平機會委員林貝聿嘉，林太話今年唔選區議會喇，不過就唔係意興闌珊，而係做咗咁多年灣仔區議會主席，唔想霸住個位，要畀啲機會啲後生喎。
不過林太聲明唔參選啫，如果特首委任佢做區議員就另作別論。
（圖）王見秋（前排中）開懷唱歌，噚日佢同何志平（前排左二）、林貝聿嘉（前排左）等齊齊上台合唱一曲「朋友」。
韋志滿攝
傳真︰2623-9278
電郵︰