大隻妹Epsilon外形雖然好man，但原來也不如外人所想的剛強，也有「好女仔」的一面。Epsilon稱，她常常和媽媽手拖手逛街，也很喜歡向媽媽撒嬌，需要媽媽照顧，十足小朋友一樣。她說：「比賽前要節食，媽咪一定會特別為我準備，記得佢幫我烚一斤蝦，全部剝好晒殼畀我食，如果我自己剝殼，一定手都損晒啦。」
練大隻的不一定是「佬」，想練大隻的「佬」也不一定找男人做教練，今年二十九歲的阿安是大隻妹的學生，一年前開始跟Epsilon練大隻。問他為何不選擇男教練？他說：「我覺得佢教得好，唔係男定女嘅問題，佢比其他人教得仔細，又好認真，我一有錯佢就會提出。」
Epsilon如今同時任二、三十位顧客的私人教練，當中男女參半。她坦言，自從得獎後，慕名而來找她擔任私人健身教練的人也多了，連一些已經「過檔」的舊客戶也立即回頭。Epsilon笑言：「女仔多數搵番女教練，男仔又會搵我做教練，所以女仔做健身教練都幾着數。」
本報記者