關心妍與初戀男友拍了七年拖，但她因要加入樂壇，主動跟男友斬情絲，近日前男友通知她要結婚了，新娘不是她的感覺，令關心妍感到好失落，她說：「我好驚，好酸，好傷心……」
關心妍（Jade）曾表示她只有一個愛情故事，她的初戀男朋友從事船務行業，與Jade拍了七年拖，其間三合三分，兜兜轉轉，最後分手是一年半前，男友要到上海工作，希望Jade陪他往異鄉生活，但Jade當時知道唱片公司快要為她出碟，故最後選擇跟男友分手，留在香港發展事業。
近日Jade收到前男友的婚訊，心情有點失落，日前她接受本報訪問時，不禁感慨地說：「我為咗做歌手，放棄咗七年嘅感情，之前我哋之間好幾次離離合合，我以為唔緊要啦，遲啲咪再一齊囉，我知佢有拍拖，但冇諗過佢突然同我講要結婚，我係唔敢相信，好驚，好酸，好傷心……佢已經永遠唔會屬於我，我都覺得好可惜。」
Jade對這段七年情很刻骨銘心，她記得以前與男友在加拿大念大學時，有次Jade感冒菌入腸，她的哥哥連忙打電話通知她的男友，其男友很快便趕到，與Jade的哥哥一起抱她入院。
Jade說：「佢真係即call即到，全程陪住我，我隻手重要插住葡萄糖水，佢一路捉住我隻手，緊張到喊咗出嚟。嗰一刻我好感動，覺得原來呢個人真係咁愛我，咁緊張我。」可惜這些片段已成為Jade的回憶。
問Jade有沒有為男友的婚訊而流淚？她說：「唔知呢！」當年捨棄愛情，今天覺得值得嗎？Jade只能無奈地說：「兩睇啦，世事冇完美嘅。」
採訪：朱倬誼
攝影：仇志德
服裝及場地：Gugu
