自由黨呢頭改黨徽、黨綱，嗰頭民主黨李柱銘就「贈興」，話自由黨唔該改嘅走去改，應改嘅又唔改，主席田北俊其實最應該改吓個名。
此話何解？噚日李柱銘出席港大一個講○七年普選嘅公開論壇，提到自由黨將黨徽加上赤色，暗示會忠心愛國，黨綱中原本贊成○七、○八年普選特首同立法會嘅字眼又刪去，真係好改唔改。
其實自由黨最應該改嘅，係主席「田北俊」個名！所謂唔怕生壞命，最怕改壞名，田少個名阻礙香港前進，「北俊」諧音「不進」，暗喻香港好難有進步；而「北進」亦有踩香港之意，意指北方先有進步，咁身處南方嘅香港即係要退步喇。所以田少最好改為「田必俊」或者「田南俊」。一改就改晒，會轉運嘅。
傳真︰2623-9278
電郵︰