婚紗款色多姿多采，絕不比任何時裝遜色，最新婚紗潮流指標──除了要做到簡約中不經意散發雍容華貴外，還加上立體剪裁，讓燕瘦環肥的新娘也可穿得玲瓏浮凸。
經常到歐洲入貨的「新婚情報」老闆娘Noel表示，最新的婚紗潮流以簡約為主，但設計上會較創新，例如在裙身不隨意地加上香檳金色小花作點綴，務求簡潔中凸顯貴氣。
立體剪裁不再是趨時牛仔衫褲的專利，Noel說：「意大利頂尖設計嘅新款婚紗好多都用立體剪裁做賣點，所謂立體剪裁，係將布料鋪上個公仔嚟縫製，所以即使個女仔身材平平都唔緊要，件婚紗會着到佢身材好靚。」
顏色方面，香檳色、純白色及米白色已經變得老套，Noel最近便從意大利引進一款「奶茶色」婚紗：「呢隻色喺香港重未係個個可以接受，但喺歐洲就好in（入時），相信逐漸會多人揀。」
如欲多了解未來婚紗潮流，可於本月十一日至十二日到九龍灣國際展貿中心參觀「婚紗節」，參展商包括婚紗攝影、婚宴服務、場地布置、婚禮攝錄及禮餅等，大會更邀請玄學家講解擇日結婚及美容師示範最新新娘化妝等。詳情可瀏覽：