施念慈（Celia）老公陳鴻業（Alan）是冰上曲棍球高手，一星期有三晚都會到冰場與隊友練習，而施念慈這個廿四孝老婆雖然連溜冰都未識，卻在年初已開始學習這項運動。
日前，Celia又陪Alan到西九龍中心練波，更表現得非常恩愛，Celia不時遞水給正在練波的Alan，Celia表示每次看老公打波都會在保護網後看，因為她知道在外國有觀眾曾因欣賞此類球賽，被曲棍球擊倒而死亡。
Celia笑言：「起初嚟睇佢打波都會覺得好悶，又唔識睇，所以我會喺呢個商場行吓買吓嘢，因為呢度有好多小型店舖賣唔同嘅嘢，我重會喺樓下間書局買書睇，𠵱家我買到有九折㖭呀。」
Celia透露在今年初她亦開始學習冰上曲棍球，她說：「我年頭買晒所有裝備㗎啦，因為我身材細小，所以可以買童裝，平好多，不過我連冰都唔識溜，學咗幾堂又冇時間再學，但我覺得都唔係好難嘅。」
而Celia近來都忙於籌備她在十二月推出的愛情小說，她表示都已有年多沒有出書，最近她更為報紙寫副刊專欄，她坦言：「我最想就係寫副刊，因為唔係靠樣，係靠實力嘛。」
採訪、攝影：胡比
