郭秀雲、郭錦恩及顧美華等昨日往中環出席Dr.Murad美容活動。郭秀雲剛自美國返港，她透露有意在美發展珠寶設計。她說：「𠵱家已經賣緊，不過想擴大啲，我用特別嘅天然寶石做材料設計，好似蛋白石、恐龍化石呀之類，媽咪覺得好嘥錢，一粒材料錢都夠買幾卡鑽石，好彩𠵱家都有啲出名嘅客仔嚟買嘢。」
郭秀雲透露與星級客人特別有緣，她說：「之前我響美國開蜥蜴店，MichaelJackson同畢彼特都有幫襯，試過有次一個男人打嚟舖頭請教我點養蜥蜴，臨收線先知佢係畢彼特。」而久未露面的顧美華與女兒葉宣廷一同出席，顧美華更被女兒封為「嬰兒殺手」，顧美華失笑說：「唔知點解我成日都將BB跌落地，個孫女六個月大，我響床邊抱跌過一次，後嚟大咗又試過跣手跌多次。」
採訪：梁錦雯 攝影：甄朝健