「呢排天氣涼咗，我打算每日慳啲使，等遲吓儲夠錢就去買張毛氈返嚟保暖。𠵱家收到咁多捐款，我可以隨時去買禦寒衣物，真係好多謝大家咁關照我！」陳婆婆近日親手接過一筆合共二千四百五十元的讀者捐款後欣喜地說。
年屆七十一歲的陳婆婆，早年隻身由內地來港幹活，大半生靠做製衣廠包裝女工應付生計，刻苦耐勞；近年始因體弱多病被迫退休，依靠綜援金度日，生活捉襟見肘。
獨居的陳婆婆早前獲房屋署分配公屋單位，得以改善居住環境及減輕屋租負擔，但她缺乏雪櫃冷藏食物，生活一度甚感不便。「搬上公屋之後，冇雪櫃用好唔方便，因為個屋邨離街市好遠，我又年紀大，好難再日日行幾條街去街市買餸，試過將食剩嘅餸菜留過夜，結果啲餸全部變壞，好浪費！」白髮蒼蒼的陳婆婆歎謂，她近年患上血壓高，每日須定時服藥，又因腸胃容易不適，必須注意飲食衞生。
陳婆婆的情況經報道後，讀者黃小姐即送贈一部新雪櫃給她存放食物；近日陳婆婆另接獲熱心讀者的捐款，讓她可以購備禦寒衣物。
捐款編號：C0992
暖流熱線
電話：29908688
傳真：23702192
電郵：
網址：