尚有四個月才踏入猴年，但為抓緊猴年雙春兼閏月這個好時機，不少情侶已密鑼緊鼓籌備婚禮；多間大酒店宴會廳明年初吉日的酒席已預訂爆滿，酒樓婚宴生意急升兩至三成，婚紗攝影也大收旺場，有公司更計劃在未來一、兩個月內加價。 記者：黎國強
香港明年喜事重重，風水命相顧問鄺偉雄表示，除了適逢雙春兼閏月外，還有第三重好意頭──明年是玄學上新一個大運的開始，代表經濟民生會有大轉運，旺男丁，且有利辦喜事，所以吸引不少新人趕緊「拉埋天窗」。
「新婚情報」負責人Noel說：「明年係雙春兼閏月，加上近期經濟好轉，又有CEPA（更緊密經貿關係），又有自由行，巿民心態普遍變得更願意使錢，我哋明年二、三、四月嘅檔期都已經訂到好滿；旺嘅日子，一日就有成八對新人出街（租禮服結婚），生意明顯比今年同期好咗兩成。」
為了迎接明年結婚人潮，Noel特地入了大批新貨，當中大部份更是從歐洲購入的貴價貨，她說：「我哋嘅客都係中上層巿民，所以會以質素做賣點，為咗應付明年嘅客量，我哋將婚紗布料嘅質素、款式都提升咗。」
至愛婚紗攝影設計負責人余太也表示，近日生意比去年同期增加了三成：「我哋明年三至五月嘅檔期全部爆滿，我哋諗住由下個月起加價百分之五至十，調整一下沙士以來偏低嘅收費，不過，我哋會同時喺啲婚姻雜誌內送現金券，吸引番啲客。」
婚紗攝影客似雲來，婚宴酒席也不愁沒有生意，多間酒店的宴會廳酒席已被「預訂一空」，旺角帝京酒店發言人說：「明年結婚主要嘅大吉日已經全部滿額，即使遠至年底嘅吉日都已經有人訂。」她又表示，針對明年婚宴大旺，未來數月，不少酒店也會舉行展覽作招徠，該酒店便會在本月二十六日舉行婚宴博覽，並推出新優惠吸引顧客。
旺角倫敦大酒樓營業部經理劉雄道表示，由於看好明年巿道，樓上的卡拉OK今年年初剛結業，老闆看準時機把單位一併租了下來，重新修裝成宴會廳，為明年的婚宴生意「備戰」。
劉雄道表示，近月預訂明年酒席的生意比去年同期多了兩至三成：「啲客訂位訂早咗，訂到明年八、九月，有啲年尾嘅大吉日子都已經有人預訂，大家都驚住明年雙春兼閏月，好日子嘅酒席俾人訂晒，有心拉埋天窗嘅朋友真係要趁快。」