麥浚龍（Juno）可以稱得上是漫畫癡，因為他十多年來收藏了香港、日本、美國及英國等地出品的幾千本漫畫，亦因為這個嗜好，令Juno中文水準提升了不少。
麥浚龍自小已十分喜歡看漫畫書，他記得第一本收藏的漫畫就是《老夫子》，Juno說：「我記得細細個同屋企人去飲茶時，我就走咗去報攤買咗第一本漫畫書，其實我好欣賞《老夫子》入面嗰啲臭飛嘅造型，因為佢哋啲髮型好搞笑。不過之後啲內容有重複嘅情況，所以就冇再買啦。」Juno更笑言自己讀書時十分沉迷看漫畫，但亦因這個嗜好令他的中文水平進步不少，所以其父母從沒有禁止他看漫畫書。
而《TinTin》一套二十一本的漫畫書則是Juno珍貴收藏之一，因為作者已去世，《TinTin》漫畫不會再發行，Juno表示：「我好鍾意呢一套漫畫，我亦都有參照主角嘅髮型，我有幾年都會學佢gel起啲頭髮。由於個作者已經去世，所以呢一套書好有紀念價值，而且呢套漫畫書嘅內容係講TinTin去唔同地方探險，所以睇完之後就會學識好多其他地方嘅嘢。」
Juno對自己數千本珍藏愛護有加，因為他每星期都會抽時間清理，他說：「我每個禮拜都會用布抹啲書邊，而且我啲書唔會借畀人嘅。」
採訪、攝影：李珮洳
