貞觀國際拍賣公司總顧問林緝光，早排想裏通外國，拍賣狗頭國寶失敗，捲土重來，噚日開記者會大事宣揚手上嘅新國寶。呢次冇狗頭亦冇豬頭，而係有一個叫「北宋汝窯天藍釉彩三足洗」嘅文玩瓷器，狀如煙灰缸，據說出於宋徽宗年代，後來俾清朝嘅乾隆皇玩過吓，乾隆重喺件器物下面題字，估價大約一千二百萬。
不過記者會上最惹起哄動嘅並唔係嗰啲國寶古董，而係林緝光本人。呢位狗頭拍賣家介紹嘅文玩，件件都值百萬千萬，點知佢喺玻璃飾櫃度拎啲古董出來介紹嘅時候，幾次都將件古董兜口兜面撞埋櫃邊嘅玻璃，撞到「嘭嘭」聲，咦，啲「國寶」原來好似磚頭一樣，可以隨意掟？唔通林生特別睇得開？記者膽戰心驚，佢本人都面不改容，果然係古玩界奇人。
（圖）林緝光單手就拎起件古董，如果跣手就不堪設想。
傳真︰2623-9278
電郵︰