立法會內四大政黨，黨魁各有各性格，但原來四大黨魁楊森、曾鈺成、田北俊、劉漢銓，都有一個共通點，就係生於民國三十六年亦即一九四七年。
八方噚日同喺上海嘅民建聯主席曾鈺成傾開年齡嘅秘密，先知原來佢到二○○七年就夠鐘做六十大壽，唔止佢，另外三位黨魁都係，當然邊個keep得最young？一睇就知係最近紅彤彤自以為做咗新郎哥嘅政壇千面小生田少囉。
曾主席心水清，四七年係豬年，但實情只有佢同劉漢銓屬豬，因為田少一月出世，所以計落佢屬狗，而楊森就唔知屬乜。
因為楊森同曾主席講過，佢以前由大陸落嚟香港，年齡亂咁報，所以唔可以作準。經四大黨魁披露年齡，對照吓佢哋嘅表現，劉漢銓豬，曾鈺成狗？中國嘅生肖，又真係好神奇，好有道理喎。
傳真︰2623-9278
電郵︰