電影《無間道III終極無間》中的六大影帝梁朝偉、劉德華、黎明、黃秋生、陳道明和曾志偉昨日同場拍攝警署戲份，大鬥演技。偉仔又自爆與陳慧琳早前拍了一場激吻戲，回味無窮，流晒口水。
劉德華、梁朝偉、黎明、黃秋生、曾志偉和陳道明昨日在導演劉偉強位於觀塘的電影公司拍攝電影《無間道III終極無間》，這場戲講述偉仔被黎明帶返警署，曾志偉和陳道明兩位黑幫大佬來到差館保釋偉仔，不過在偉仔辦理保釋手續前，情報科的華仔和林家棟前來取偉仔等黑幫人物的資料，加上飾演黎明上司的黃秋生，六大影帝首次在同一場戲較量演技！
偉仔昨日心情極佳，主動告訴記者日前與陳慧琳（Kelly）拍了一場親熱戲，他笑說：「呢場戲係講我喺Kelly嘅醫務所同佢情不自禁親熱起嚟，我哋咀起上嚟，激到鞋都甩晒、杯又打爛、枱面啲水又流晒落嚟，𠵱家講起都流晒口水呀！」
記者問偉仔這場戲NG了多少次？他開玩笑說：「梗有NG，重唔詐諦NG多幾次咩！」偉仔講完笑後又回復認真地說：「其實拍呢類場面好辛苦，因為要當住咁多人面前拍錫嘴戲，呢個鏡頭係講我哋激吻後就臨崖勒馬，咁究竟係邊個咁有定力，你哋可以諗吓嘅。」
偉仔拍完《無III》後，下周將返上海拍王家衛的《2046》，對於日本萬人迷木村拓哉會否繼續參與拍攝該片，偉仔說：「我同木村應該重有對手戲要拍，不過詳情我未知。」
此外，談到張曼玉有法籍新男友，偉仔則不願發表意見，他說：「我唔想公開談論佢嘅感情事，不過作為朋友，佢有新戀人係值得恭喜嘅。」
採訪：何永寧
攝影：陳偉權
