今日四十歲牛一的梅艷芳，雖然受到子宮頸癌困擾，但仍無損她買衫換季的心情，前日阿梅到太古廣場的Gucci和Joyce掃貨，心情勁靚的她竟然為爭取時間購物而忍着不去廁所，認真貪靚！
梅艷芳雖然備受子宮頸癌困擾，但仍要準備下月舉行的演唱會，及以現代美容中心代言人身份出席一連串宣傳活動，忙個不亦樂乎。而前晚阿梅更到金鐘太古廣場名店掃貨，短短三小時已滿載而歸。
前晚六時許，阿梅在助手Marianne及閨中密友蘇小姐陪同下，先到太古廣場的Gucci名店購物，其後再到附近的Joyce揀靚衫，雖然Joyce的營業時間至晚上七時半，但難得阿梅大駕光臨，於是延長營業時間。現場所見，阿梅在Joyce內指手畫腳一番後，未有試衫便埋單結帳，表現相當豪爽，據悉該店會有專人將衣服送到阿梅的寓所，服務相當周到。
今日是阿梅的四十歲生日，記者前晚預早向阿梅說聲生日快樂，雖然她表現得有點愕然，但仍禮貌地說聲多謝。問到阿梅身體狀況如何時，在旁的Marianne即搶着說：「會行會走囉！」那麼阿梅是否為演唱會購買舞台衣服？她否認說：「演唱會啲衫全部喺外國訂做，今次批衫我買嚟換季。」問到阿梅換季花費多少時，她幽了記者一默說：「唔使錢，因為我畀信用卡！」
提到生日願望，阿梅希望身體健康，又表示找過許多醫生治病。記者問阿梅近日是否發胖？她聽罷即反應頗大說：「你唔好屈我，唔使特登影我肚腩，我忍咗三個鐘頭冇去廁所，所以谷到有肚腩咋喎，行咗三個鐘真係好攰！」
阿梅掃完貨後，到附近的餐廳食晚飯，由於記者頻頻追着阿梅的密友蘇小姐拍照，一度惹來阿梅呷醋說：「佢重紅過我！」而阿梅昨晚亦將家居布置一番，並訂了兩箱紅酒，相信是在家中舉行派對。
採訪、攝影：娛樂突發組
