社會福利署署長林鄭月娥下個月一號就調任房屋及規劃地政局常任秘書長，八方聽聞唔少社署員工都好唔捨得林太，正度緊點樣歡送呢位好上司，而一班自力更生支援組嘅員工就趁噚日舉行嘅「深入就業援助計劃開展禮」，率先向林太送上一份驚喜。
話說喺開展禮接近尾聲時，負責做司儀的一名社署員工突然喺台上爆肚，話好多員工都對林太離任感到好可惜，然後又安排兩名員工上台向林太送上一個向康復工場訂製的小擺設，擺設旁更寫上「愛護下屬，關心市民，勇於承擔，造福社群」十六字。員工嘅小小心思令林太笑不攏嘴，可以講話係佢離任前嘅最佳禮物。
傳真︰2623-9278
電郵︰