性感內衣配明星，號召力更強！蒙嘉慧前晚以意大利內衣代言人身份，在蘭桂坊CClub穿上喱士內衣行騷。昨午馬莎亦舉行秋冬新裝展，打頭陣的內衣騷火辣誘人，壓軸則有原子鏸、廖碧兒及陳鍵鋒邊跳舞邊示範晚裝。
蒙嘉慧（YoYo）前晚在中環為鍾鎮濤經理人Benette的Sensi內衣店行騷，與一眾穿T-back和透視喱士內衣的模特兒一齊示範秋冬內衣。
YoYo罕有地以胸圍上陣，下身則配牛仔褲或短褲，即時成為全場焦點，令嘉賓嘩然，YoYo亦徹底解放，即興除外套。YoYo完騷後表示以七位數字酬金任代言人，她說：「其實一出場我好驚，又唔知啲釦扣實未，後來俾氣氛感染咗，都除咗衫。」
問YoYo為何不仿效同場模特兒穿T-back行騷？她說：「因為三角位比較敏感，行騷咪重驚，唔使啦！今次都係性感極限，初時我重唔記得貼乳貼，不過喺更衣室發現喱士bra露咗少少nipple（乳頭），先即時貼番，唔係就肯定失去行內衣騷信心。」
馬莎百貨昨日亦在尖沙嘴半島酒店Felix餐廳舉行○四秋冬時裝展，由浪漫旖旎、神秘香豔的內衣打頭陣，令人目眩心跳，大會又特別請來藝人原子鏸、廖碧兒及陳鍵鋒任嘉賓模特兒示範晚裝和便服。
廖碧兒首次行時裝騷，她透露今次和原子鏸及陳鍵鋒共用一個更衣室，她說：「冇蝕底，因為我哋出場嘅時間唔同，唔會一齊換衫。」她又踢爆陳鍵鋒在後台等入更衣室時，大飽眼福，陳鍵鋒說：「其他模特兒冇着衫，好尷尬，我塊面都紅晒。」
採訪：RitaLeung、DebbieLum
攝影：ChenWaiOn、JerryYan
