吳彥祖兩女友狹路相逄
MaggieQ當LisaS.冇到

吳彥祖前女友MaggieQ和緋聞女友LisaS.前晚到中環，齊出席鑽飾宣傳活動。Lisa大方稱讚Maggie靚女；但Maggie卻不領情，並表示不知道誰是吳彥祖女友，似要與Lisa劃清界線。

混血名模MaggieQ前晚以代言人身份，出席鑽石供應商DTC於中環ArmaniCafe舉行的「祝動鑽飾」活動，MaggieQ戴上十多萬元鑽飾，份外明豔照人。大會又安排名模陳嘉容、樂基兒及JessieLeong等示範珠寶首飾，而名人明星嘉賓包括容祖兒和LisaS.等。

收鑽飾視乎對象
談到鑽石，MaggieQ說：「鑽石當然係女仔嘅好朋友，不過狗亦係我嘅好朋友。我試過收過男仔送嘅鑽石，不過係好耐以前。試過有異性送鑽石畀我，不過如果唔係我愛嘅人送，我絕對唔會接受，所以我會自己買鑽石。」
MaggieQ曾與吳彥祖拍拖，其後一直有傳吳彥祖與名模LisaS.拍拖，前晚兩女同場出現，問Lisa會否覺得尷尬？她說：「唔會，都習慣咗呢啲報道。我同Maggie係同一間經理人公司，之前見過幾次，佢好靚女。」

樂基兒進軍日本
其後記者告訴MaggieQ，Lisa亦有到場，MaggieQ反問：「邊一個Lisa？」記者表示是吳彥祖的緋聞女友，MaggieQ說：「我唔知Daniel（指吳彥祖）嘅女朋友係邊個？」
此外，樂基兒昨日為DKNY行show時透露，最近接拍了日本化妝品牌資生堂haircare廣告，她說：「都算係我入行以嚟接最大型嘅工作，喺日本做嘢要學好日文先，我已經學咗一年，𠵱家重有個私人導師。」
採訪：RitaLeung
攝影：ChenWaiOn