今年一月，北京市選出政府新班子，其中有一位特別吸引八方，就係年紀最輕嘅北京市副市長陸昊，當選時只有三十五歲。陸昊噚日來港參加貿易發展局有份主辦嘅第七屆京港經濟合作研討洽談會記者會，八方終於見到呢位最年輕嘅副市長。
三十五歲當上副市長嘅心路歷程係點？陸昊笑住話：「我已經三十六歲了，但等我五十歲以後才講心路歷程吧。」雖然年輕，但佢多番強調，從無遇上與年齡有關嘅問題。
陸昊雖然年紀輕，來頭一啲都唔簡單，十八歲成為文革後西安市第一名中學生共產黨員，二十歲成為文革後北京大學第一位直選產生嘅學生會主席，二十八歲出任北京制呢廠廠長，重幫間廠轉虧為盈㖭，佢其後就任中關村科技園區管委會主任，舊年三月兼任中國三峽總公司總經理助理。
由負責企業到負責一個城市，最困難嘅是乜嘢？佢好幽默咁話：「負責北京市嘅是市長王岐山，我只是負責工業工作。」
傳真︰2623-9278
電郵︰