退休已久嘅前工商局局長周德熙東山復出？噚日周德熙喺灣仔區議會報名處出現，原來係陪現任灣仔區議員太太黃英琦報名參選。
八方同佢傾開近況，周生話不知幾習慣退休生活，講嘢嗰陣表情重好開心㖭。佢話𠵱家做到好多以前冇機會做嘅事，即係乜嘢？睇電視同睇電影囉。
周生嘅口味都幾另類，佢最鍾意睇內地嘅時裝電視劇。周德熙解釋，土生土長嘅香港人唔多了解國情，睇吓內地劇集，可以知多啲內地情況，最近佢追緊嘅就係一套講貪污嘅大陸劇集《忠誠》。
（圖）退咗休嘅周德熙噚日陪太座黃英琦去灣仔區議會報名參選。
傳真︰2623-9278
電郵︰