立法會保險界代表陳智思（圖右）噚日喺立法會見到八方，即刻攞咗佢上星期去德國慕尼黑嘅相畀八方睇，相中人重有李卓人（圖左）、陳國強、老闆一族何世柱、保監專員鄧國斌同醫管局高永文，原來成班男人一齊「講數」。
實情係過去十三年，做勞工保險嘅公司大大話話唔見咗成五十五億元，問題好嚴峻，於是陳智思覺得有需要搵齊勞資雙方坐低，平心靜氣集思諗吓計仔。
咁啱有間保險公司肯出錢贊助，所以全部人就飛咗去德國四日，一邊飲啤酒，一邊講數。八方問陳智思有冇收穫，佢話有，就係大家同意研究將來點合作。
李鳳英同鄭家富本來都有份，但係因事忙去唔成，失去一次欣賞歐陸雪景嘅機會。
陳智思提供圖片
傳真︰2623-9278
電郵︰