四十三歲的阿娣，過去幾個月，在鬼門關繞了一圈。「五月嘅時候發現卵巢生瘤，做咗一次大手術，切咗右邊卵巢，連同成個子宮都切晒，醫生話個瘤已經爆咗，再遲啲會有危險，𠵱家個人重係好虛弱。」臉容憔悴的阿娣說。
近幾年，阿娣的生活都不太如意，早年因為和丈夫性格不合而離婚，她獨自負起照顧女兒的責任，她慨歎，單親的生活才剛剛適應，未料身體又連番抱恙。「我一直都有血壓高，要長期食藥，本來都好哋哋，點知無端端又會生瘤，要施手術，𠵱家又輪到牙痛，唔停咁病，搞到個人冇晒心機，好唔開心。」
阿娣表示，近日飽受牙患的折騰，已先後拔掉右下顎兩顆臼齒，惟因為乏錢鑲牙，以致咀嚼食物十分困難。「為咗剝呢兩隻牙，我晨早五點幾就去政府診所排隊，可惜醫生只係剝牙唔包鑲牙，𠵱家冇咗兩隻牙，牙肉痛之餘，食嘢亦好唔方便，呢排只可以煲粥食。」
雖然牙科醫生已勸喻阿娣應盡快鑲回兩隻牙，避免加重其他周邊牙齒的負荷，造成不斷爛牙的惡性循環，可惜以她的經濟條件，根本無力負擔數以千計的鑲牙費用。
阿娣自從離婚後，為了專心照顧現年就讀小學六年級的女兒，已辭去收銀員一職，兩母女現時靠綜援金生活，平日要節衣縮食，委實難有餘錢應付其他額外開支。
「我真係唔想咁後生就冇晒啲牙，最衰係自己冇咁嘅經濟能力，希望有善長仁翁或者仁醫幫吓我。」阿娣由衷地說。
捐款編號：C0443
暖流熱線
電話：29908688
傳真：23702192
電郵：
網址：