意大利配飾品牌Rodo昨日在中環連卡佛舉行秋冬手袋展，家族第二代成員GianniDori亦專程來港，更特別送贈復古手袋予三位捧場嘉賓，包括馬詩慧、江欣燕及李福深媳婦李夏美茜。
江欣燕特別以純白look示人，她說：「為咗襯番個vintagelook，我今日重借咗老竇隻古董勞力士嚟戴。」欣欣透露剛於八月與父親歐遊，順道學做生意，她說：「我daddy係糖薑大王，所以我咁夠薑囉！今次我都有陪daddy去見客，如果兩年後未有嘢拍，我就改行㗎喇！」
欣欣身形甚弗，打破早前傳得鬧哄哄的懷孕傳言，她說：「識我都知我冇大肚啦，生仔係天意，冇得強求。我屋企養咗兩隻貓，一仔一女，我當正佢地係仔女，爸爸（指丈夫吳積信）都好滿足，我爹哋都當自己做咗外公。」
採訪、攝影：RitaLeung