關心妍昨日以「西班牙皮鞋之星」身份到金鐘示範最新鞋款，她更即時帶走十多對新鞋作新碟拍照之用，總值四萬多元。關心妍又大談曾遇「觀音頭掃把腳」男士的恐怖經歷。
關心妍昨日以「西班牙皮鞋之星」身份，到金鐘西武推介和示範○四年秋冬新鞋，更被熱情的外籍工作人員親吻手背打招呼。關心妍昨日毫不客氣地一次過挽走十多對皮鞋、長靴和高跟鞋等，總值超過四萬多元。
關心妍向記者展示一條七彩的絲巾時說：「佢哋好好，啲鞋任我拎，西班牙皮鞋工業協會重送咗一條特別訂做嘅絲巾畀我，好surprise！」問她為何一次過挑選大量靚鞋？她說：「因為我下個月出碟，到時需要換幾個形象，所以要揀唔同嘅鞋，𠵱家屋企大約有五十對鞋左右。」
關心妍透露平日愛看男人穿甚麼鞋，她說：「平時睇男仔都會觀察吓佢着乜嘢鞋，乾唔乾淨，因為鞋可以反映一個人嘅衞生程度，我試過有朋友介紹男仔畀我識，佢個頭就gel得好靚，但對鞋就又泥又草，好恐怖。圈中人個個都好企理，要去錄音室先見到真實嘅一面。」
關心妍表示不介意男人穿涼鞋，但最緊要修剪腳甲。她又表示自己很注重指甲護理，她說：「因為成日要彈琴同吹色士風，指甲經常會斷，所以要小心保護。」
採訪：JessicaNgan
攝影：RickyChan
