劉德華和張栢芝前晚出席電影《大隻佬》特別場，華仔大受影迷歡迎，但當司儀叫現場影迷高呼栢芝名字時，除了有影迷說「唔好」外，栢芝出現時現場更反應冷淡，由此可見栢芝似乎不太受華仔fans歡迎。而栢芝前晚更笑言想向華仔借一百萬，華仔及後坦言栢芝在他心目中當然值一百萬！
劉德華和張栢芝前晚到尖沙嘴出席電影《大隻佬》特別場，吸引超過二百名fans到場，大部份是華仔的影迷。司儀黎海珊欲搞搞氣氛，她對台下觀眾說：「我哋一齊大叫華仔好唔好？」觀眾均熱烈和應，但輪到叫栢芝時，竟有小部份華仔fans說：「唔好。」黎海珊為了打圓場，惟有帶頭大叫栢芝，以緩和尷尬氣氛。
華仔事後接受訪問時，否認其影迷不歡迎栢芝，華仔說：「唔係嘛。」問華仔可會教育一吓影迷？他說：「好呀！」
栢芝前晚被問到在《大隻佬》中哪場戲最深刻？她笑說：「係我向華仔借一分鐘，不過現實生活我想佢借一百萬畀我。」華仔則說：「我最深刻一幕係我着住件大隻佬衫抱住栢芝，我想除低件大隻佬衫再抱一次。」
對於栢芝笑言向華仔借一百萬，他說：「佢講笑啫，我借畀佢都有向太還。朋友都唔敢問我借錢，雖然朋友之間有通財之義，但我覺得每個朋友有唔同價值，有人值一蚊，有人值十蚊，栢芝就值一百萬。我都試過同朋友因財失義，又試過有困難問向太借錢。我覺得栢芝𠵱家財政冇問題。」
而栢芝則表示問華仔借錢這番話純粹講笑，她說：「我嘅經濟冇問題，我都唔係貪心嘅人。」栢芝早前賣掉康樂園舊居，並賺得二百萬元，她說：「有好價錢咪賣，甩咗層樓唔代表我經濟有問題，我𠵱家重有四、五層樓喺手。」
此外，栢芝表示現在以事業為重，感情放於最後。問栢芝是否覺得感情不可強求？她答非所問地說：「呢個世界有女友，冇男友。邊個拍拖為咗我啲錢，攞到畀個獎章佢。」
採訪：魯萍
攝影：何國豪
