忙於宣傳新碟的陳小春，昨日往新城接受訪問，被問及有傳張栢芝被情敵落降頭而引致行為異常一事，小春除繼續力撐栢芝外，言語間更愈講愈勞氣。他說：「𠵱家二○○三年啦，老細。你估𠵱家拍緊《古靈精怪東南亞》咩？唔識點講呀，個個落降頭，全世界唔使做啦，搵啲降頭師落個降，六合彩開1234567啦，再落個降叫董建華令香港發達，自己啲碟賣晒咁啦，點回應啫。」
提到栢芝自爆有外籍男友只屬吹水，小春又說：「你哋幾無聊呀，諗清楚係咪事實先寫啦，點解要拉埋我落水，好無奈呀。」
此外，有周刊報道小春和杜汶澤蒲吧昅女，他不禁扯火大鬧說：「我有人權㗎，香港政府講人權，市民就冇人權，成日話我昅女，有乜證據先，我去圖書館睇書，都話我去圖書館昅女㗎啦。」
採訪、攝影：馮美茵