啱啱喺香港推出嘅第二代豐田Prius，於剛過去嘅周末周日，以限量形式及震撼價$169,000發售，據聞反應甚為熱烈，表現實令人感到鼓舞；但原來響日本本土市場，新一代Prius由9月1日推出後嘅一個月內，廠方所收到嘅定單，經已多達17,500部，比廠方預期嘅每月3,000部多出接近6倍！
然而，上一代Prius由1997年推出至今，不但成為全球第一部大量生產嘅Hybrid混合燃料車輛，而且重創下全球銷量超過12萬部嘅紀錄㖭！廠方相信新車能夠憑住全新設計嘅造型、車廂設備，同埋ToyotaHybridSystemⅡ（THSⅡ）所造出嘅35.5km/L嘅超低耗油量紀錄，定能打破上一代型號嘅銷量紀錄呢！