呢邊廂富豪新代理塵埃落定，正積極籌組工作以迎接新車到臨之際，另一邊廂嘅標緻代理，代理權是否易手，有關方面至今仍未見有進一步消息；惟早前標緻嘅話事人JohnnyNg，出現響積架XJ車系嘅宴會後，亞Mark聽聞佢馬不停蹄，先到過新加坡拜會積架駐東南亞嘅高層，又再前赴法國，不僅實地測試將會係標緻2004年重頭戲嘅307CC開篷Roadster，其次佢重特地跟廠方高層見面㖭！雖然一般人睇落標緻代理權去留與否，決定權會響崔志凱先生身上，惟Johnny跟標緻近年合作無間，兼且重有唔錯嘅本地銷售業績支持，故廠方對其亦甚為信賴，若然英之傑繼續做標緻代理咁就易話為啦！否則Johnny嘅意見亦會係廠方選擇新代理嘅重要參考指標㗎！