出道多年的陳文媛(Bobo)，一向走妹妹仔路線，以為她跟時下後生女一樣，絕少踏足廚房。想不到她原來極愛煮菜，整日本菜更相當拿手。剛剛推出新唱片的她，現時日趕夜趕做宣傳，她說已經好耐沒下廚煮了。今次找她下廚示範，她第一時間揀做至心愛的日本菜，而且做起來有板有眼，連師傅亦讚她好手勢呢！
記者：羅惠芬 攝影：楊錦文
鳴謝：KyotoJoe朱錦全師傅（電話：28046800）
打扮日本化的Bobo，連食的口味亦相當日化，坦言在家煮食都是以日式食物為主，壽司、炒烏冬等都是拿手小菜。她說迄今為止，最難弄的還是天婦羅，每次不是粉太厚，就是外表已燶，但入面還未弄熟。
愛日食，皆因Bobo勁喜歡吃三文魚，而各國菜式中，又以日本的刺身最能帶出三文魚的鮮味；加上日本食物賣相夠靚又精緻，愛靚的她自然一見鍾情了。不過，Bobo原來有三不吃：吞拿魚、鱲魚和芥辣，想不到吧！
以為Bobo咁鍾意食日本菜，去日本一定大飽口福！誰知，她竟一次也沒試過地道日式料理和壽司，每趟遊日都是在快餐店果腹，可說是一大遺憾。
女孩子總是怕肥，Bobo亦不例外，健康的沙律絕對深得佢心。示範作魚生拌芝麻醬沙律，最特別是個芝麻醬料，單是材料已經要用8款，而且要邊煮邊攪拌，工夫不少。不過，煮後香氣撲鼻，Bobo話絕對值得。
用咩料：
吞拿魚、三文魚、帶子各100克、新鮮蟹肉50克、澳洲沙律菜200克、橄欖油3湯匙、麻油2湯匙、日本芝麻醬4湯匙
醬料：
日本甜酒100毫升、甜豉油100毫升、西芹茸25克、日本米醋50毫升、意大利黑醋100毫升、花生醬2茶匙、日本芝麻醬3茶匙、麻油適量
三色反捲壽司
一搵Bobo示範下廚，她立即話要整壽司，大概因為平日整得多，夠晒信心。平日她最愛揀三文魚做材料，不過今次為增加賣相分數，加入拖羅和牛油果做材料，三種顏色夠晒Sharp。
用咩料：
吞拿魚50克、三文魚及拖羅各2片、牛油果3片、炸蟹腳肉2條、昆布2片、紫菜1塊、壽司飯50克
試食報告
