盛傳與吳嘉龍一起力追徐子淇的洪天明，昨日與早年被指已反目的古天樂齊齊現身時裝騷。天明談情敵時滔滔不絕，但在古仔表演前半分鐘，天明即急腳離場。
古天樂、盧巧音和吳耀漢兒子吳嘉龍，昨日齊齊為時代廣場舉行的「Chevignon-PurpleRingParty」行騷，事有湊巧，早年盛傳出賣古仔、近日被指與吳嘉龍力爭徐子淇的洪天明，亦有到場欣賞表演。
古仔與吳嘉龍大部份時間在後台換衫及在台上行騷，故跟台下的天明沒有碰面機會，不過當吳嘉龍行騷時，天明亦偶爾望對方幾眼。問天明與吳嘉龍碰面可感尷尬？他說：「我同吳嘉龍合作拍《新警察故事》時都有傾偈，我哋有共識！」
對於情敵吳嘉龍，天明滔滔不絕，但一問到他可有跟古仔傾偈時，天明即冷淡地說：「有乜好傾？我哋好少見面，我唔知咁多，你哋問佢啦！」說罷即以約了朋友為由匆忙離開，而天明離開後半分鐘，古仔便出場表演。
古仔在台上跟赤裸上身僅以長髮遮掩胸部的女模特兒行騷，古仔除不敢正視對方外，更臉紅紅，顯得十分尷尬。及後古仔接受訪問，當被問到天明表示跟他冇偈傾時，古仔不耐煩地說：「點會冇偈傾啫？我唔明喎，你問佢囉！」
問古仔行騷時可有留意身旁的性感女模？他笑說：「我自從拍完《豪情》之後，見到呢啲場面真係好驚，嗰次我同五十個赤裸上身嘅AV女郎拍一場好似《性書大亨》被訪問嘅場面，真係好尷尬，唔敢望佢哋，但佢哋表現得好專業，食飯同傾偈都唔會着番衫。」此外，對於是否續約無綫，古仔表示仍在斟洽中。
採訪：駱華齡 攝影：何國豪
