劉嘉玲最近在台灣拍攝了一個護膚品廣告，以前愛蒲夜店的嘉玲，不知是否受到男友梁朝偉的影響，今次赴台灣不蒲夜店，反而抽空到誠品書店買書。
劉嘉玲最近到台灣拍攝SK-II新產品緊緻活膚精華廣告，順道抽空到誠品書店買書，嘉玲說：「我好鍾意聞新書嘅書香，而且我近排愛上睇唔同類型嘅書，去親台灣都會買一大堆。」
嘉玲男友梁朝偉都愛看書，未知從前愛蒲夜店的嘉玲，可是受偉仔影響所以愛看書。
嘉玲又透露，她每次做產品代言人時必定會親自做「白老鼠」，試過產品沒有問題後才放心推介，而嘉玲每次都把免費贊助的護膚品放在家中，跟男友偉仔共用。嘉玲說：「我會將呢啲護膚產品放晒喺雪櫃，佢識做啦！」
問到嘉玲保持明眸的貼士，她日前說：「我平時都好注重身體健康，工作一忙，抵抗力就差，所以一定要飲多啲水、食有營養嘅嘢同多做運動。」
嘉玲表示一旦捱更抵夜，眼部就會很易長出幼紋，化完妝後尤其顯眼，嘉玲說：「我會好勤力搽護膚品同敷面膜，我一個星期敷兩次面膜，開工就日日敷。」
撰文：比華利
採訪：戴維（上海）
