鄭少秋每次有新劇推出，都必定出現「丁蟹效應」，股市下滑，昨日他的新劇《非常外父》在無綫首播，股民自然有戒心，不過昨日股市全面上升，秋官終可打破十一年來「陀衰家」宿命。
九二年鄭少秋在劇集《大時代》中飾演的角色丁蟹，經歷股市大起大落，想不到現實中，港股同樣受「丁蟹效應」影響，要經歷小股災，其後無論該劇重播或有秋官主演的劇集推出，港股就會應聲下瀉，多年來秋官都無法擺脫丁蟹效應，就連外國的大經紀行都有報告研究「丁蟹效應」。不過昨日秋官的新劇《非常外父》首播，股市卻上升，他終於可以打破「丁蟹陀衰家」這個宿命。
股民怕丁蟹唔入市？
昨日港股全日報收11734點，升125點，是十六個月來的高位，成交達178億，最近三個月來港股全面向好，秋官與股民終於可以鬆一口氣。事實上，不少股民知道昨日秋官有新劇推出，的確對入市存有戒心，縱使近期股市交投暢旺，股民始終不敢貿然入市。
秋官現正身處橫店拍攝內地劇集《千古風流一酲醋》，對於《非常外父》昨晚首播，而昨日的股巿向好，秋官昨日在長途電話中說：「我都話一定得，我終於打破『丁蟹效應』嘅宿命，聽到呢個消息都開心。其實每次有我嘅劇一出，碰啱股巿都下跌，我都覺得好迷信，大家自九二年講到𠵱家，我都唔會特別唔開心或者介意，因為最緊要可以見報啫。」
壹傳媒升會捧場買！
問到秋官在《非常外父》播映前可有做甚麼功夫祈求股巿上升，他笑說：「梗係有，我日日喺屋企練功，我用念力谷到個巿上升，我以前幾套劇都有發功，不過衰在當時自己嘅功力未到家囉！」秋官平時亦有投資藍籌股，他說：「我貪藍籌股夠穩陣，可以長期放喺度，我平時都唔會花太多時間去買賣股票，有時會交畀老婆負責。」那麼秋官推介甚麼股票？他說：「我𠵱家買咗滙豐同盈富基金，我聽聞壹傳媒（282）呢排都升，你哋都嚟訪問我，咁我都要支持番你哋啫。」秋官表示曾試過買地鐵股票時損手，但僅是數千元。
秋官希望但凡有自己主演的劇集推出，都可以為股民帶來好消息，秋官說：「咁樣大家都好，無綫要不停咁搵我拍劇，一套接住一套，我亦發達啫。」
無論賺蝕唔好大貪！
對於可有甚麼說話要寄語股民，秋官說：「我奉勸大家投資係要冒風險，買得就要承擔風險，無論賺蝕都千祈咪大貪，升跌都要識收手，我投資嘅態度係好保守，買賣股票都係想考吓眼光啫。」
此外，秋官除了緊張昨日劇集首播可會影響股巿外，他對收視充滿信心，秋官說：「我希望收視可以過四十點，到時老婆准我着幾性感，我咪着出嚟畀大家睇，最緊要係大家有冇興趣睇呢？」
採訪：比華利
