自推出以來一直備受車迷追捧嘅日產FairladyZ（即港版350Z），其Roadster開篷版終正式登陸日本，雖然新車已於較早前響北美市場推出，但今回登陸日本，環顧嗰份誘人嘅魅力卻叫人難以招架呢！
從外觀而言，響日本發售嘅FairladyZRoadster與硬頂型號相近，同樣擁有極具流線型嘅車體設計及17吋跑車合金胎軨組合，但就改用上軟篷頂配搭，不但令車子望落更具吸引力，而且開關只需輕按控掣鍵，需時更不過20秒內，使用既方便又容易。車廂布局則與硬頂版本相同，除備有一雙跑車桶椅外，當然唔少得重有設備齊全嘅中控台組合啦！另一方面，新車亦以一台編號VQ35DE嘅3.5公升V6引擎作核心，馬力輸出達280ps/6200rpm，扭力則為37.0kgm/4800rpm，匹配6前速手波或5前速自動波，性能表現絕能予人留有深刻印象。未知香港嘅車迷，何時能一睹FairladyZRoadster嘅風采呢？
