近排，坊間盛傳日產代理，即將推出全新Cefiro入替車嘅Teana；惟亞Mark打探過，話呢款全新Teana行政級豪華座駕，短期內唔會正式落實抵港發售。但多方面迹象顯示，代理亦有意盡快以Teana替代步入老化嘅Cefiro車系，日期相信會係嚟緊嘅11月，以求抗衡早前推出嘅全新本田Accord，以及近期銷量突飛猛進嘅豐田Camry嘛！據知，呢部日產新類型豪華轎車，不論外形同車廂鋪排，均有好大改進，予人時尚富活力感之餘，一台可靠成熟又見寧靜度高嘅VQ系列引擎，更會係新車賣點所在之一；若然你係日產忠實嘅Fans的話，就真係要拭目以待喇！