陳冠希評語事小　破健力士紀錄事大
黎明見證1920義工手語唱歌

黎明（Leon）昨日出席「麥當勞世界兒童日2003」活動，見證一千九百二十位義工，以手語演繹今年活動主題曲，打破健力士世界紀錄的創舉。對陳冠希（Edison）日前指他演出《無間道III》有如拍廣告，Leon表示任由別人評頭品足。

黎明昨日出席在奧海城舉行的「麥當勞世界兒童日2003」開幕典禮，作為聯合國兒童基金會國際青年特使的Leon，在台上見證現場一千九百二十位義工，以手語演繹今年活動主題曲《給孩子熱愛》，打破健力士世界紀錄的創舉。

慣咗俾人講
對於前日陳冠希在台灣《無間道II》宣傳活動上，被問到他對Leon加入拍攝《無間道III》有何感覺時，他就批評Leon與同在預告片中出現的劉德華和梁朝偉的表現完全不同，他指Leon個人形象太鮮明，不似做戲，而是像拍廣告。
昨日所見，Leon對於這些報道沒有太大反應，反而其歌迷傳真到報館為他反擊，Leon說：「係咩？佢（指Edison）點評論呀？佢又冇睇過，而且又未拍晒，我都未睇過啦！個人形象係咪鮮明，人哋評頭品足由得佢，我每年都俾人寫啦！」

質疑可信性
Leon更表示懷疑報道可信程度，他說：「我會質疑報道可信性，我冇睇過報道，亦冇聽過，唔知新聞同事實有幾多差距。我相信大家會團結做一件事，大家做埋同一部戲，只係唔同集數，所以佢應該唔會咁講。」
問Leon會否了解事件以平息歌迷怒氣，他說：「與我無關，黎明唔會做幫唔到自己又幫唔到大家嘅事。」
採訪：王連連　攝影：陳慧安