女子二人組合2R昨日往將軍澳出席「Keepfit健康新世代」活動，但卻遲到半小時。2R到場即示範跳繩，又與現場歌迷玩遊戲，其中細妹Race的fans明顯特別多，風頭較家姐Rosanne強。
完騷後2R即時為自己遲到一事道歉，Rosanne說：「因為去咗澳門五日拍旅遊特輯，頭先趕回程miss咗班船，所以遲咗。」問2R澳門之行可有到賭場玩樂，Rosanne說：「冇呀，不過就食咗好多澳門萄式美食，我哋都肥咗少少。本來都有得玩賽車，不過後來導演怕我哋危險，冇玩到。」
問到Rosanne可介意妹妹工作量及受歡迎度較高？她說：「唔介意，有比較重好，最緊要我哋同心，唔會影響感情。其實有時我哋都會為工作爭執，重一齊喊㖭，喊半個鐘發洩完就冇事。」
採訪：顏英儀 攝影：陳偉權