容祖兒（Joey）昨日往尖沙嘴帝苑洒店，出席纖體公司Fit型堂的記者會。但收身成功後頻以性感打扮示人的Joey，昨日卻穿上一件密實的裙子到場，大會則送上一個僅穿迷你泳褲的激凸「港版言承旭」給Joey作神秘禮物。當該名猛男出場時，Joey表現愕然，但不時盯着猛男的背脊。
事後Joey接受訪問時說：「我都知有驚喜，但唔知係咁猛，我只係向下望咗一吓，驚俾記者影到，不過我驚佢凍親多啲。」
當記者指Joey不時盯着猛男的背脊，問她是否對男性背部特別鍾愛時，她說：「係咩？我有咩？我真係唔知呀！我未見過大場面，可能係情不自禁，連背脊都唔放過。不過，我唔鍾意男仔有胸毛，因為會拮親塊面。」早前曾有傳言承旭有剃腋毛習慣，問Joey可否接受沒腋毛的男性？她笑說：「多多少少都要番兩、三條嘅！」
採訪、攝影：陳梅香