南區豪宅貝沙灣前晚舉行宣傳活動，名媛姚樂碧真空上陣，穿上大露背Versace晚裝示人，成為全場焦點。姚樂碧表示獨自在外地生活多年，現在希望落地生根，尋找斯文男士照顧，對象年齡最好是三十八歲至五十歲，必須有經濟基礎，並說：「唔可以衰過做女嗰時！」
南區豪宅貝沙灣前晚大搞宣傳活動，同場舉行時裝設計師DorianHo配飾展作招徠，吸引趙世曾前妻TerriHolladay、寇鴻萍和孫光華等捧場。
名媛姚樂碧穿上純白大露背兼低胸的Versace晚裝示人，較行show的模特兒更搶眼，豔壓全場。姚樂碧透露該套晚裝是兩年前在美國購買的，當時約三千美元（約二萬多元），她說：「純白色唔難着，條裙本身有打底，我都係真空，不過做足安全措施。」
三十四歲的姚樂碧保養得宜，她說：「近排都肥咗，有成一百一十八磅，要食魚同菜減肥先得。我𠵱家鍾意騎馬、玩kickboxing同瑜伽。」
回流返港定居，姚樂碧與母親同住，她說：「一個人喺外面咁耐，係時候要搵個人照顧吓，冇湯水好慘㗎！𠵱家有媽咪照顧，但係我都搵緊男士照顧我㗎。」
提到擇偶要求，早前姚樂碧表示要選金髮靚仔，前晚她又改變主意說：「唔一定要成熟型，三十八至五十歲啦，條件係順眼同斯文。」問她男友是否需要身家豐厚？她說：「要夠養我，我唔可以衰過做女嗰時囉！」
TerriHolladay則穿上黑色開胸晚裝，與女性友人到場，她解釋男友Paolo胃痛在家休息，並說：「我已經準備咗中式雞湯畀佢，煲咗五個鐘頭，重加埋薑㖭。」問Terri男友見她如斯性感，可有醋意？她說：「佢一見我就話coollala，同埋告誡我唔好同陌生人傾偈。」
採訪：JessicaNgan
攝影：HoKwokHo
