楊千嬅與任賢齊昨日在上海出席電影《花好月圓》的開鏡禮，戲中千嬅飾演有臭狐的賣魚妹，經常要將活魚生劏。不過首度與千嬅合作的小齊指千嬅不但沒有體臭，更散發着花香。記者魯萍上海直擊
楊千嬅與任賢齊昨日在上海出席葉錦鴻導演的電影《花好月圓》開鏡禮，兩位主角均以古裝造型會見記者。戲中千嬅飾演賣魚妹，經常要生劏活魚，由於她不想殺生太多，故盡可能一次拍好，但對甚少下廚的千嬅而言，拍劏魚戲前極需要跟師傅學習刀法。
對於自己的古裝造型，千嬅說：「之前我為呢部戲試過幾個look，我覺得着咗古裝後，個頭好大，所以我覺得有啲怪，不過睇吓睇吓就順眼咗。我呢個賣魚妹角色係天生有臭狐，個角色幾得意，不過現實生活中我就冇體臭，而且平時我鍾意搽香水，身體會散發唔同嘅香味。」記者問千嬅小齊有沒有體臭，她說：「佢應該冇體臭，但有男人味。」
除在上海拍《花》片外，還要拍攝《地下鉄》外景，之後又要去雲南拍《花》片外景。千嬅說：「因為要上高山拍戲，我驚有高山症，𠵱家已經食定防高山症嘅藥丸，但我又有血壓低，食咗呢啲藥，有啲頭暈。」
任賢齊與千嬅是首次合作，兩人似乎頗投緣，見面時有說有笑。小齊讚千嬅不但沒有體臭，身上更散發花香，他認為對方的古裝造型十分可愛。而千嬅昨日在片場發現小齊的腿很粗，笑他是榕樹腳，小齊並不介意，還笑說：「我因為好細個就學功夫，又鍾意李小龍，所以我練到好大隻，對腳亦練得好粗。啲人話陳奕迅隻腳都好粗，咁我同佢真係可以較腳啦！」
